കൂടത്തായ്: കൂടത്തായ് സെൻറ് ജോസഫ്സ് എൽ പി സ്കൂളിൽ ശിശുദിനം വർണ്ണാഭമായി ആഘോഷിച്ചു. ചെറുപ്രായത്തിലുള്ള കുട്ടികൾ നിറവിരിച്ചുവീശിയ ശിശുദിന റാലിയിൽ ചാച്ചാജിക്ക് ജയ് വിളിച്ച് ആവേശം പരത്തി.
ചാച്ചാജിയുടെ വേഷത്തിലണിഞ്ഞ കുട്ടികളുടെ സാന്നിദ്ധ്യം റാലിക്ക് നിറംകൂട്ടി. പ്രധാനാധ്യാപിക ഡെയ്സിലി മാത്യുവും മറ്റ് അധ്യാപകരും രക്ഷിതാക്കളും ഈ ദിനാഘോഷങ്ങൾക്ക് നേതൃത്വം നൽകി.
മധുര പലഹാരങ്ങളും പായസവും നുകർന്ന കുട്ടികൾക്ക് ശിശുദിനം മധുരമയമായ അനുഭവമായി. കുട്ടികളുടെ കലാപരിപാടികളോടെ ആഘോഷം സമാപിച്ചു.
